Drama e Superligës: Barazhi që ndryshon gjithçka për Llapin dhe Vushtrrinë

Nesër do të luhet ndeshja më e rëndësishme për dy skuadra, Vushtrrinë e Llapit.

Me fillim nga ora 16:00, “Fadil Vokrri” do të jetë nikoqir i ndeshjes së barazhit, ku Llapi kërkon vazhdimin e qëndrimit në Superligë.

Ndërsa me qëllimin për ngjitje në Superligë, në “Fadil Vokrri” udhëton Vushtrria, ku për herë të fundit në këtë kompeticion ishte në sezonin 2019-20, kur edhe ra nga liga aso kohe pas humbjes nga Ballkani me rezultat 1-3.

Për ndeshjen e nesërme, interesim të madh kanë shfaqur të dyja tifozeritë, e të cilat kanë premtuar spektakël në tribuna.

Vushtrria e ka siguruar barazhin pas fitores 3:1 ndaj Lirisë së Prizrenit, ndeshje kjo e cila u luajt më 24 maj, teksa Llapit i duhet të luftojë që betejën në Superligë ta vazhdojë pasi këtë sezon mbeti në vendin e 8-të.