Dështoi në çdo kompeticion me Interin

Sezoni që shkoi ishte për t’u harruar për Simone Inzaghin.

Trajneri italian dështoi në të gjitha kompeticionet me Interin, duke e përmbyllur sezonin pa asnjë trofe.

Ndonëse është pjesë e ekipit qysh nga viti 2021, rezultatet e dobëta të sivjetme kanë bërë që kampi i “Nerazzurëve” të nisë “gjuetinë” për pasuesin e Inzaghit.

Trajneri 49-vjeçar po kërkohet me ngulm nga ekipi arab, Al-Hilal.

Sipas Fabrizio Romano-s, menaxhmenti i ekipit ka arritur në Evropë, për të avancuar bisedimet me trajnerin italian.

Ai tashmë i ka dhënë dritën e gjelbër kësaj marrëveshjeje, teksa takimi mes bordeve të dy ekipeve, Al-Hilal dhe Inter, pritet të mbahet më vonë gjatë ditës.