Titullari lë me gisht në gojë Bayernin

Dayot Upamecano ka vendosur të largohet nga Bayern.

Sipas gazetës “Marca”, ai po joshet nga ideja për t’u transferuar te Real Madrid, klub që e kërkon prej disa muajsh dhe ka shprehur interes të qartë.

Francezi ka informuar agjentët për vendimin e tij dhe Bayern po përpiqet t’i ndryshojë mendjen, por deri tani nuk ia ka arritur.

Kontrata e mbrojtësit në Mynih skadon qershorin e ardhshëm.

Pra, nëse largohet, do të ndodhë me parametra zero. E pafalshme për Bayern, sepse kështu humbi edhe David Alabën vite më parë, pa përfituar asgjë si “kompensim”.

Upamecano aktualisht paguhet rreth 10 mln euro bruto në vit. Jonathan Tah, i sapotransferuar (me parametra zero) nga Bayer Leverkusen, paguhet 2 mln euro më shumë.

Me siguri, kjo nuk i ka pëlqyer francezit. Bayern i ka ofruar rritje page, por deri tani nuk ka rezultuar shifra e duhur. Upamecano thuhet se kërkon 17 mln euro bruto në vit. Ndoshta në Madrid ia ofrojnë.