Zvicra pret takimin që mund të vendosë fatin e Ukrainës - ja kush janë pjesëmarrësit

"Mendoj se vëmendja kryesore tani është te Gjeneva dhe nëse mund të bëjmë përparim.”

Kështu ka deklaruar kryeministri britanik Keir Starmer.

Ai dhe presidenti amerikan kanë rënë dakord që ekipet e tyre do të punojnë së bashku në takimin e organizuar mbi planin e paqes.

Deri më tani, dihet se takimi u organizua në përgjigje të planit të fundit të paqes SHBA-Rusi, i cili shkaktoi alarm midis Kievit dhe aleatëve të tij.

Ishte kryesisht një takim midis përfaqësuesve të Ukrainës dhe SHBA-së, por tani do të jenë të pranishëm edhe shumë nga aleatët e Kievit.

Pjesë e takimit do të jenë përfaqësues nga këto vende dhe blloqe: SHBA, Ukrainë, Britani, Gjermani, Francë, Itali dhe BE.

Burime nga BE-ja thanë se blloku do të përfaqësohet nga krerët e kabinetit të presidentit të Këshillit të BE-së, Antonio Costa, dhe presidentes së Komisionit të BE-së, Ursula von der Leyen.