Operacion ndërkombëtar Kosovë–Suedi: Arrestohet një person për shpërlarje parash

Policia e Kosovës ka njoftuar se Drejtoria për Hetimin e Trafikimit me Narkotikë (DHTN), në bashkëpunim me autoritetet suedeze, ka realizuar me sukses një operacion ndërkombëtar kundër krimit financiar.

Sipas policisë, operacioni është zhvilluar më 16 mars 2022, në kuadër të bashkëpunimit Kosovë–Suedi, ku është arrestuar një mashkull kosovar, i dyshuar për shpërlarje të parave dhe mashtrim përmes transfereve bankare.

Me vendim të prokurorit kompetent, i dyshuari është dërguar në mbajtje, ndërsa hetimet lidhur me rastin janë duke vazhduar.

Policia e Kosovës thekson se bashkëpunimi ndërkombëtar mbetet kyç në luftën kundër krimit të organizuar dhe shpërlarjes së parave./IndeksOnline/