Dramë në Ferizaj, Haxhimusa në frymën e fundit e në mjegull trondit llapjanët

Ferizaj në qiellin e shtatë!

Ferizajasit shënojnë fitore me rezultat 2:1 ndaj Llapit, në takimin e javës së 18-të të elitës së futbollit të Kosovës. 

Ndeshja u luajt prapa palestrës “Bill Clinton” në Ferizaj në një kohë me mjegull.

Betim Haxhimusa shënoi dy gola dhe është trim i fitores së madhe e në frymën e fundit. 

Në minutën e 38-të Betim Haxhimusa nga afërsia rreth 2 metra, me lehtësi shënoi për epërsinë (1:0) e Ferizajt ndaj Llapit.

Në minutën e 63-të Muhamet Hyseni në një tollovi nga afërsia ka barazuar rezultatin 1:1.

Ai me goditje të fortë shënoi në këndin e epërm të Llapit.

Gjyqtari Visar Kastrati akordoi penallti në minutën e 65-të me pretekstin se Useini e pengoi Haxhimusën. Pas shikimit të VAR-it anulohet penalltia.

Në minutën e 90+5 Peposhi goditi bukur e Haxhimusa e fërfëlloi topin në pjesën e poshtme të portës, 2:1.

Haxhimusa trondit llapjanët. 

Llapi zë vendin e shtatë me 21 pikë dhe Ferizaj renditët në të parafundit (i nënti) me 19 sosh.