Ky është 50-vjeçari i arrestuar në Prizren, ishte i dënuar për mashtrim
- Gazeta e Prizrenit
Policia e Kosovës ka arrestuar një person i cili ishte i dënuar me mbi 1 vit burg efektiv për mashtrim.
Referuar informacioneve nga Policia, së arrestuari është Ervin Softa.
Njoftimi i plotë:
Në Prizren arrestohet një i kërkuar dhe i dënuar me mbi 1 vit burg efektiv për “Mashtrim”
Më datë 29.03.2026, policët e Njësitit për Realizimin e Urdhëresave të Stacionit Policor Prizren, pas veprimeve operative–hetimore dhe duke vepruar sipas një plani taktik–operativ, kanë arritur të marrin informacion, të lokalizojnë dhe të arrestojnë të dyshuarin E.S., mashkull, 50 vjeçar, nga Prizreni.
I njëjti ka qenë në kërkim dhe ka pasur shtatë (7) urdhër-arreste aktive. Ai është i dënuar me një vit e dy muaj e gjysmë burg efektiv, me vendim të plotfuqishëm të Gjykatës Themelore në Prizren.
I arrestuari është dënuar për veprën penale “Mashtrim” sipas nenit 323 të Kodit Penal të Republikës së Kosovës (KPRK).
Pas arrestimit, E.S. fillimisht është sjellë në Stacionin Policor Prizren dhe më pas është dërguar në burg për vuajtjen e dënimit.
