Shkroi historinë me Turqinë, Montela: Po përjetoj kulmin e emocioneve

Vinçenco Montela, po jeton një ëndërr, teksa arriti kualifikimin në Botëror, me kombëtaren e Turqisë, që ishte dhe e treta në total në historinë e turqve.

Pas triumfit 0-1 ndaj Kosovës, në “Fadil Vokrri”, italiani u bë trajneri i parë i huaj që e çoi Turqinë, si në Europian ashtu dhe në Botëror, duke rrëmbyer kështu zemrat e tifozëve turq…

“Po përjetoj kulmin e emocioneve!

Mendoj se jam bërë trajneri i parë i huaj që e çoi Turqinë si në Kampionatin Evropian edhe në Kupën e Botës.

Jam jashtëzakonisht krenar. Lojtarët bënë gjithçka që mundën.

Ata arritën gjithçka. Tani do të vazhdojmë në një rrugë të bukur së bashku”, deklaroi fillimisht Montela.