BDI reagon pas arratisjes së Blerim Ramadanit: Qeveria monoetnike me urdhër të Vuçiqit arreston ushtarë të UÇK-së

BDI nëpërmjet një komunikate ka reaguar në lidhje me arratisjen e Blerim Ramadanit nga arresti shtëpiakt, derisa ka shprehur, siç thuhet, dëshpërim të thellë me veprimin tejet tendencioz dhe të përsëritur të institucioneve të vendit ndaj ish ushtarit të UÇK-së Blerim Ramadani nga Kosova, i cili po përndiqet me urdhër të qeverisë serbe dhe është arrestuar në Shkup.

“Humbësit e zgjedhjeve, vasalët puthadorë në qeverinë monoetnike, të cilët nuk kanë legjitimitetin e votuesve shqiptarë, por janë të preferuarit e VMRO-së, u krekosën që e kanë liruar Blerim Ramadanin, duke e mashtruar opinionin kombëtar sepse atij vetëm iu ndryshua masa e sigurisë, ndërsa dje, policia vendosi ta arrestojë përsëri dhe ta dërgon në paraburgim aktiv”, thuhet në reagimin e BDI-së, sipas të cilës, shqiptarët janë jetim dhe të poshtëruar me këta hyzmeqar pa asnjë kapacitet kombëtar e institucional.

“Poshtërimi çdo ditë po thellohet dhe nuk kalon asnjë ditë e vetme pa skandal të përmasave dekadësh.

Për vetëm 50 ditë qeverisje pa legjitimitet, VasaLENi zhbëu të gjitha të arriturat kombëtare dhe së fundmi duke poshtëruar edhe ish ushtarët e UÇK-së me urdhër të drejtpërdrejt nga Vuçiqi dhe Serbia”.