Fotoreporteri i njohur britanik dyshohet se u vra nga djali i tij, më 2023 hapi ekspozitë në Kosovë

Një burrë që autoritetet amerikane thonë se u vra nga djali i tij gjatë fundjavës, është identifikuar si fotoreporteri i njohur, Paul Lowe, raporton “LA Times”.

Këto njoftime janë shpërndarë nëpër rrjete sociale.

“Me dhimbje të thellë ndajmë lajmin për ndarjen nga jeta të mikut dhe kolegut tonë të dashur Paul Lowe, jeta e shkëlqyer e të cilit u ndërpre në Los Angeles, Kaliforni të shtunën”, thuhet në një postim në rrjetet sociale nga VII Photo Agency, agjenci ndërkombëtare fotografike. “Pauli ishte një shok i guximshëm dhe i dashur, dhe një baba dhe bashkëshort thellësisht i përkushtuar. Humbja është tronditëse dhe dërrmuese dhe zemrat tona janë me gruan dhe familjen e tij”.

Zyrtarët policorë të kontesë së Los Anxhelosit morën një informatë të shtunën pasdite për një sulm në Malin “Baldy Road” në malet San Gabriel.

Deputetët gjetën një burrë me të çara në gjoks; ai u shpall i vdekur në vendin e ngjarjes, thanë zyrtarët.

Rreth një milje (1.6 km) larg vendit të krimit, një burrë i identifikuar më vonë si Emir Abadzic-Lowe kishte aksidentuar makinën e tij në ikje e sipër; ai u ndalua nga deputetët në lidhje me hetimin e vrasjes, sipas autoriteteve. Abadzic-Lowe u identifikua si djali 19-vjeçar i viktimës.

Abadzic-Lowe u arrestua me dyshimin për vrasjen e babait të tij bazuar në “provat në vendngjarje” dhe deklaratat e djalit dhe dëshmitarëve të tjerë, thanë autoritetet.

Lara Jo Regan, një kolege fotoreportere dhe kolege e Lowe, i tha KTLA se Lowe ishte në Kaliforninë Jugore për t’u kujdesur për çështjet familjare. Ata duhej të takoheshin, por Regan nuk dëgjoi kurrë për të.

Lowe vdiq në moshën 61-vjeçare.

Paul Lowe kishte dokumentuar me fotografi rrethimin e Sarajevës, ndërsa kishte qene i pranishëm edhe në Kampin e Refugjatëve kosovarë në Maqedoni gjatë kohës së luftës në Kosovë.

Po ashtu, më 2023, ai kishte hapur një ekspozitë në Kosovë, në kuadër të Festivalit Fotoist.