Në kërkim të titullit

Drejtuesit e Inter Miami, të udhëhequr nga David Beckham, vendosën të rrethojnë Lionel Messin me shumë ish-yje të mëdhenj të futbollit botëror në përpjekjet e tyre për titullin e ligës MLS.

Pasi Messi nuk arriti të fitoj trofeun me ish-shokët e skuadrës nga Barcelona, Luis Suarez, Jordi Alba dhe Sergio Busquets, duket se bashkëlojtari i tij i ri do të jetë një nga rivalët e tij të mëdhenj.

Gjegjësisht, kolumbiani James Rodriguez, i cili kaloi gjashtë vite në fanellën e Real Madridit dhe luftoi me Messin dhe Barcelonën, është në prag të kalimit në Inter.

Rodriguez aktualisht është lojtar i Rayo Vallecanos, por pas një gjysmë-sezoni zhgënjyes, të dyja palët duan të ndërpresin kontratën me pëlqim reciprok.

Sipas gazetës spanjolle AS, James është në prag të transferimit te Inter Miami.

Nëse kjo ndodh, kapiteni i Kolumbisë do të luajë me Messin për herë të parë në karrierën e tij, pasi ata kanë qenë rivalë të mëdhenj për më shumë se një dekadë në klub dhe veçanërisht në nivel kombëtar.

Hera e fundit që ata luajtën kundër njëri-tjetrit ishte në finalen e Kupës së Amerikës të vitit të kaluar, kur ata drejtuan ekipet e tyre si kapiten.