Milan nuk duron më

Fode Ballo-Toure nuk do të jetë më lojtar i Milan.

Klubi dhe lojtari kanë vendosur që të mbyllin bashkëpunim mes tyre, duke shkëputur kontratën me dakordësi mes dy palëve.

Kujtojmë se Ballo-Toure u transferua nga Monaco te Milan në vitit 2021. Asokohe, klubi italian pagoi rreth 5.5 milionë euro për kartonin e lojtarit, që me performancat e tij zhgënjeu.

Është vetë klubi i Milan që ka njoftuar mbylljen e bashëkpunimit me mbrojtësi nga Senegali.

Zyrtarizimi ka ardhur në web-in e klubit italian, ku Milan i uron gjithë të mirat në vazhdim futbollistit.