Mbretëri e Bashkuar/ Tre aeroportet kryesore do të zgjerohen sipas planit të qeverisë

Tre aeroporte në Mbretërinë e Bashkuar pritet të përfitojnë nga një zgjerim i mundshëm sipas planeve të qeverisë për të mbështetur rritjen e kapaciteteve dhe përmirësimin e infrastrukturës. Ky plan është pjesë e një strategjie për të përmirësuar lidhjet ajrore dhe për të përballuar kërkesën në rritje për fluturime, pas ndikimeve të pandemisë.

Planet e diskutueshme për zgjerimin e aeroporteve Heathrow, Luton dhe Gatwick pritet të shpallen ndërsa qeveria vijon të nxisë ekonominë.

Sipas shifrave, aeroporti i Heathrow është më i ngarkuar në Mbretërinë e Bashkuar dhe i dyti në Evropë pas aeroportit të Parisit. Rreth 80 milionë pasagjerë kalojnë nëpër të çdo vit.

Aeroporti Gatwick është i dyti për nga fluksi i pasagjerëve në Mbretërinë e Bashkuar dhe shërben për rreth 46 milionë pasagjerë çdo vit. Ndërsa aeroporti Luton mirëpret 18 milionë pasagjerë çdo vit.