Lojtari shqiptar: Të ruajmë motivimin nga ndeshja me Bilbaon

Beshiktashi do të luajë mbrëmjen e nesërme kundër Tuentes.

Një sfidë që do të përcaktojë nëse bardhezinjtë do të kualifikohen apo jo më tej në Ligën e Europës. Ernest Muçi është shfaqur përpara gazetarëve në prag të këtij takimi.

Sulmuesi shqiptar është shprehur se ëndërron të fitojë çdo trofe të mundshëm me fanellën e Beshiktashit.

“Është paksa e vështirë që të jesh mirë gjatë gjithë kohës në futboll. Duhet ta dimë se ka ulje dhe ngritje.

E rëndësishme është që të vazhdojmë të punojmë gjithmonë.

Ëndrra ime është që të fitoj çdo trofe të mundshëm me Beshiktashin.

Duhet të punojmë më fort për t’i arritur këto objektiva me trajnerin e ri.

Nëse fitojmë, atëherë do të shkojmë në raundin tjetër. Jemi gati për ndeshjen. Jemi përgatitur mirë. Do të bëjmë gjithçka për të fituar. Shpresoj që të marrim një rezultat të mirë.

Do të jetë një ndeshje ndryshe nga ajo kundër Atletik Bilbaos. Motivimi nga ajo ndeshje duhet të vazhdojë në të njëjtën mënyrë”, ka deklaruar Ernest Muç.