Elif Elmas firmos me Torinon

Elif Elmas nga sot është edhe zyrtarisht anëtarë i ri i Torinos, pasi që reprezentuesi i Maqedonisë i kaloi me sukses ekzaminimet mjekësore dhe firmosi kontratën me skuadrën italiane.

Sipas marrëveshjes mes klubeve, Elmas do të qëndrojë në formë të huazimit deri në fund të sezonit dhe Torino do të ketë opsionin për të blerë kontratën e tij nga Lajpcigu për 17 milionë euro.

“Ne jemi të nderuar dhe të kënaqur të njoftojmë se kemi përfunduar transferimin e Elif Elmas nga Lajpcigu, në baza të përkohshme me një opsion për një transferim të përhershëm”, tha Torino në një deklaratë.

Pas një viti pauzë, Elmasi rikthehet në Seria A, ku mbrojti me sukses ngjyrat e Napolit, skuadër me të cilën dy sezone më parë arriti deri te skudeto.