Gjyqtari italian: Interit iu mohua nje penallti në derbi

Gjyqtari Luca Marelli, beson se Interi meritonte një penallti pas ndërhyrjes së Strahinja Pavlović ndaj Marcus Thuram në pjesën e dytë.

Interi dhe Milani barazuan 1-1 në derbin e tretë të sezonit të dielën.

Pati një episodi të diskutueshëm në pjesën e dytë të derbit Milan-Inter kur Thuram ndezi një kundërsulm të Interit, por u sfidua nga mbrojtësi i Milanit, Pavlovic.

Qendërmbrojtësi i kuqezinjve u përplas me kofshën e Thuramit pasi hyri në zonën e kuqezinjve dhe përpara se Theo Hernandez të fitonte topin me një ndërhyrje duke rrëshqitur..

Sipas ish-gjyqtarit Marelli, siç raportohet nga “PassioneInter”, goditja e Theo Hernandez nuk ishte e dënueshme. Megjithatë, zikaltërit duhet ti jepet një penallti, pasi Pavloviç padyshim u përplas me sulmuesin e Interit brenda zonës.

Interi mbetet i dyti në tabelën e Serie A, dy pikë më pak se lideri Napoli.

Tijjani Reijnders i kaloi kuqezinjtë në epërsi në pjesën e parë, por bashkëkombasi i tij Stefan de Vrij barazoi rezultatin në minutat shtesë.