Interi luan takimin e ndërprerë ndaj Fiorentinës

Interi luan sot përballjen e javës së 14-të ndaj Fiorentinas në Serie A.

Kujtojmë që ky takim u stopua papritmas nga ndodhia me Eduardo Bove dhe u la të luhej në një kohë më të përshtatshme.

Liga italiane vendosi që të vazhdohej në minutën e ndërprerë dhe data u caktua 6 shkurt.

Sot në mbrëmje pjesë e kësaj sfide mund të jetë Asllani. Inzaghi do të vendosë titullarët sikur të ishte një takim që luhet nga minuta e parë.

Futbollisti kuqezi nga Elbasani ka shanse të jetë aktiv ndaj violave pas gabimit të Calhanoglu.

Turku dha pasin gabim në derbi nga erdhi dhe goli i pësuar, ndaj tekniku zikaltër mund të ketë reflektuar në zgjedhjet e tij. Fataliteti i mesfushorit nga anadolli, mund të jetë “rreze dielli” për lojtarin e Kombëtares.