Gjimshiti ka 8 vite që luan në futbollin italian

Nëse ka një lojtar për të cilin jemi krenarë që ka zgjedhur të luajë për Shqipërinë, ai është Berat Gjimshiti.

Kapiteni ynë kuqezi këto ditë arriti në kuotën e 10 asisteve në Serie A.

Edhe pse luan si qendërmbrojtës, ai gjithmonë ka treguar se ka mentalitetin e duhur për të ndihmuar skuadrat ku ka luajtur për të gjetur rrugën e rrjetës.

Gjimshiti ka 8 vite që luan në futbollin italian.

Sezon pas sezoni, ai gjithmonë e ka dhënë minimalisht një asist.

31-vjeçari tashmë konkuron edhe për numrin e paraqitjeve në Serie A në krahasim me qendërmbrojtës të tjerë, duke u ngjitur në 10 vendet e para me 273 ndeshje gjithsej.