Casemiro zbulon historinë për Modric dhe Ligën e Kampionëve: Tani do të them diçka që nuk e kam thënë kurrë më parë

Casemiro, ishte një yll në skuadrën më të fortë të Real Madridit në histori, e cila fitoi La Ligën tre herë dhe Ligën e Kampionëve pesë herë nga viti 2014 deri në 2022. 

Ai zbuloi një ekskluzivitet për shokun e tij Luka Modric në një intervistë për AS. 

 “Do t’ju them diçka që nuk e kam thënë kurrë në asnjë intervistë më parë. Pas finales së Ligës së Kampionëve 2016 në Milano, ne po festonim në dhomat e zhveshjes, kur Luka Modric erdhi dhe tha: Miq, tani duhet të fitojmë edhe dy Liga të Kampionëve”.  

Kësaj iu përgjigjëm: “Hajde Luka, ky është pothuajse i dyti me radhë, sepse e fituam para dy vitesh”. Luka na u përgjigj: “Jo, jo. Ne duhet të përfitojmë nga një ekip kaq i madh dhe të bëjmë histori duke fituar të paktën edhe dy të tjera radhazi”. Dhe pikërisht këtë bëmë. Vitin tjetër në Cardiff kundër Juventusit dhe një vit më pas në Kiev kundër Liverpool. Luka e dinte”, tregon Casemiro. 

Përveç Casemiro dhe Modric, lojtarët kryesorë të asaj skuadre ishin Sergio Ramos, Pepe, Toni Kroos, Marcelo, Cristiano Ronaldo, Karim Benzema, Gareth Bale…  

Tre muaj pasi fitoi një tjetër Ligë të Kampionëve me Real Madridin, në vitin 2022, Casemiro kaloi te Manchester United për një tarifë prej 70 milionë eurosh.