Ballkani “mbush arkat” me ish-in e Shpresave

Geralb Smajli vetëm pas 7 muajsh si lojtar i Ballkanit do të largohet nga kampionët. Ish-lojtari i Vllaznisë sipas raportimeve të fundit që vijnë nga Kosova do të transferohet në Çeki.

Saktësisht te skuadra e FK Mladá Boleslav, pasi palët kanë rënë dakort për këtë lëvizje.

Një operacion që do të “mbushë arkat” e Ballkanit dhe jo vetëm.

Nga ky transferim do të përfitojë edhe Vllaznia, me shkodrënët që zotërojnë një përqitje të kartonit të futbollistit.

Kujtojmë se mbrojtësi u largua nga Vllaznia në korrik, ku firmosi për kampionët e Kosovës. Sigurisht që ky transferim solli të ardhura në arkat e shkodranëve, me këto të fundit që do të përfitojnë sërish nga shitja e tij.

Nuk dihen ende detajet e kontratës, teksa në ditët në vazhdim pritet të mësohet më shumë mbi këtë lëvizje që pritet të konkretizohet shumë shpejt.