Calabria fundosi Milanin si ish-kapiten

Bologna ka fituar përballjen direkte për Europën, duke përmbysur Milanin 2-1.

Skuadra e Italianos ishte në disavantazh në fund të pjesës së parë, kur Leao kaloi Skorupskin dhe shënoi për 1-0. Në fillim të pjesës së dytë, vendasit u hodhën në sulm dhe barazuan me Castro.

Milani e ndjeu goditjen, u përpoq me Musah, por nuk ishte i qartë në finalizim. Bologna, përkundrazi, ishte më e rrezikshme dhe gjeti golin e fitores me Ndoye për 2-1, një sukses tejet i vlefshëm. Me këtë fitore, Italiano ngjitet në kuotën e 44 pikëve, duke kaluar Fiorentinën dhe “ngecur” Conceicaon, i cili është i teti me 41 pikë.

Një nga protagonistët e ndeshjes ishte edhe Davide Calabria, ish-kapiteni i Milanit, i cili u transferua te Bologna në janar. Pas ndeshjes, ai reagoi në “X” duke festuar fitoren dhe përballjen me ish-skuadrën e tij: “Çfarë të them…

Ishte një ndjesi e veçantë të përballesha me të kaluarën time, një përzierje kujtimesh dhe emocionesh.

Të bukura dhe të forta, ashtu siç ishte kjo ndeshje. Është gjithmonë bukur dhe një kënaqësi të takosh miq e shokë të vjetër, njerëz që i do shumë dhe të cilëve do t’iu uroj gjithmonë më të mirat në jetë. Tani vazhdojmë rrugëtimin, gjithmonë përpara”.