Ndez përballjen: Italianët të vështirë, por fiton Gjermania

Rudi Feler është i bindur se Gjermania do të mundë Italinë në Ligën e Kombeve të UEFAs, megjithëse e di se nuk do të jetë e lehtë. Gjermania do të kërkojë të ndërmarrë hapin tjetër në Ligën e Kombeve kur të përballet me Italinë në çerekfinale këtë muaj.

Pasi ka luajtur në Serinë A me Roma gjatë ditëve të tij si lojtar, drejtori sportiv gjerman Rudi Fëler nuk është i huaj për Italinë. Përpara ndeshjes së parë të së enjtes në Milano, 64-vjeçari ka paralajmëruar kundërshtimin që paraqesin italianët, sipas “SID”.

“Italia është e vështirë për të luajtur kundër. Ata nuk pranojnë shumë gola dhe janë kompakt. Gjithashtu kanë një trajner të shkëlqyer që përgatit ekipin mirë. Një kundërshtar i vështirë”, u tha Fëler gazetarëve të hënën.

Fituesi i dy ndeshjeve do të jetë në shtëpi për pjesën tjetër të turneut, dhe Rudi natyrisht do të donte të shihte gjysmëfinalet dhe finalen të luhen në Gjermani. “Është një klasik futbolli. Nuk është një lojë e zakonshme. Ka shumë gjëra në lojë. Bëhet fjalë për ‘Final Four’, që duam të luajmë në Gjermani, ndaj duhet të eliminojmë italianët”, theksoi shefi i “Pancerave”.

Ai shtoi se nuk ka dyshim se Gjermania do të mbizotërojë, edhe pse do të jetë “e vështirë”. Ndeshja e kthimit do të luhet të hënën në Dortmund.