Berat Gjimshiti më i miri për kuqezinjtë, Asani dhe Balliu të “fikur” në krahun e djathtë

Kombëtarja shqiptare e nis me disfatë rrugëtimin për në Kupën e Botës.

Kuqezinjtë e Sylvinhos janë mposhtur nga Anglia në “Wembley” me rezultatin 2-0 në ndeshjen e parë të kualifikueseve.

Dy golat për “Tre Luanët” i realizuan Leëis-Skelly në pjesën e parë dhe Harry Kane në të dytën. Një paraqitje deri diku e mirë për lojtarët e Kombëtares në disa fragmente.

Një prej episodeve më të rrezikshme ku Anglia ishte gati të shënonte me Kane, Berat Gjimshiti shpetoi mrekullisht portën e Shqipërisë. Sipas “Sofascore”, mbrojtësi i Atalanës u shpall lojtari më i mirë i Shqipërisë me notën 7.6.

Ndërsa me notën më të ulët në Kombëtaren shqiptare u vlerësua Jasir Asani me 6.0, i cili nuk ishte aspak në mbrëmjen e tij më të mirë. Ndërsa Ivan Balliu ishte i dyti më i dobëti me notën 6.2.