Pësoi atak paniku në fushë me Austrinë

Marko Arnautoviç është duke kaluar një moment të mirë. Qëndroi në fushë për 90 minuta me Austrinë, duke dhënë një asist dhe duke trembur jo pak tifozët e pranishëm.

Pas një goditjeje në gju, pësoi një atak paniku, diçka që e shpjegon vetë lojtari. “Mora një goditje në gju dhe mendova se ishte dëmtim i rëndë. Aty më kapi paniku dhe u tremba. Por mjeku i skuadrës më ndihmoi, duke më dhënë diçka për të pirë që më qetësoi”, ka thënë Arnautoviç.

Ai gjithashtu ka folur për objektivat e skuadrës dhe dëshirat që ka me fanellën zikaltër. “Jam në një formë të mirë dhe gjithmonë gati për të ndihmuar Interin.

Është skuadra ime e zemrës. Sa herë që trajneri më kërkon të zbresë në fushë, unë e bëj me maksimumin tim, duke dhënë 100% në çdo moment. Nuk e di nëse mund të bëjmë sërish Tripletë në këtë sezon.

Do të më pëlqente shumë sepse të parën e kam fituar thuajse si tifoz. Nuk kam dhënë shumë në fushën e lojës. Këtë sezon mund të jem protagonist në fundin e saj. Duhet të vazhdojmë kështu dhe në fund të shohim se ku mund të mbërrijmë. Megjithatë, jemi një ekip me formë”, ka thënë Arnautoviç.