Hansi Flick godet Real Madridin kur flet për orarin e ngjeshur

Trajneri Hansi Flick ka folur për kohën e shkurtër të rikuperimit që i është dhënë Barcelonës mes dy ndeshjeve të ardhshme në La Liga.

Flick, filloi me një deklaratë të theksuar në lidhje me caktimin e ndeshjeve në futbollin spanjoll përpara ndeshjes së tyre me Osasunan të enjten mbrëma.

Ndeshja e shtyrë e Blaugranëve u riorganizua, me disa nga lojtarët e tyre që u rikthyen me më pak se 48 orë ndërmjet ndeshjeve të tyre ndërkombëtare.

Blaugranët gjithashtu do të kenë vetëm 65 orë pushim ndërmjet ndeshjes së tyre kundër Osasuna dhe ndeshjes së tyre të dielën me Girona.

“Real Madridi thotë se nuk do të luajë pa 72 orë pushim? Epo,ne jemi Barça, jo Real Madrid. Dhe unë jam krenar që ne jemi Barça",  ka thënë fillimisht Flick.

“Nuk ka rëndësi nëse kemi vetëm tre ditë ndërmjet ndeshjeve të ardhshme. Ky është realiteti dhe ne duhet ta pranojmë”.

“Unë mendoj se ekipi është në formë të mirë dhe ne duhet të jemi gati për këtë detyrë të madhe. Por ndihem shumë pozitiv për këtë”, përfundoi gjermani.