Derbi i fundit për këtë sezon

Tirana dhe Partizani do të luajnë më 7 prill derbin e fundit për këtë sezon, sfidë e vlefshme për javën e 33-të të Superiores.

Ndeshja që do të zhvillohet në stadiumin “Arena Kombëtare”, nis në orën 20:00.

Tashmë kanë dalë në shitje edhe biletat për këtë supersfidë.

Biletat në tribunat S, V dhe N do të kushtojnë 500 lekë. Ndërkohë që në tribunën E, një biletë për të ndjekur derbin nga afër do të kushtojë 1000 lekë.

Në tribunën W101/W107 bileta kushton 3000 lekë, ndërsa në atë W102-W106 do të kushtojë 4000 lekë. Ndërkohë që 5000 lekë kushton bileta në tribunën W104.