Ëndrra e madhe për trajner

Fabio Paratici është i zgjedhuri i Milanit për rolin e drejtorit sportiv, me marrëveshjen që duket e mbyllur dhe mungon vetëm zyrtarizimi.

Detyra e parë e tij te kuqezinjtë do të jetë zgjedhja e trajnerit.

Favorit për momentin është Roberto De Zerbi, trajneri aktual i Marseille dhe një tifoz i madh i Milanit, me të cilët ka edhe një të shkuar.

Tekniku italian u përfol edhe verën e kaluar për stolin, por në atë kohë te Milani zgjodhën Fonsecën.

Vera e ardhshme mund të jetë e duhura për tu ulur në stolin e “djallit”. Sipas raportimeve nga Italia, kanë nisur kontaktet e para të Paraticit me përfaqësuesit e De Zerbit.

Megjithatë ëndrra e madhe te Milani është Pep Guardiola. Spanjolli ka kontratë me Manchester Cityn deri në vitin 2027 dhe një marrëveshje duket shumë e vështirë. Te Milani janë gati të presin deri në fund të sezonit, për të parë mundësinë nëse do të largohet nga qytetarët, diçka që do e bënte edhe më të lehtë kalimin në Itali.