Ten Hag e largoi, por Amorin po e merr në konsideratë rikthimin e tij

Manchester United thuhet se është i interesuar të rikthejë një ish-lojtar, në një lëvizje që do të ishte një surprizë e madhe.

Sezoni i dobët i United në 2024/25 vazhdoi edhe të martën në mbrëmje, pasi ata u mposhtën nga Nottingham Forest në City Ground.

Ish-anësori i United, Anthony Elanga, shënoi një gol spektakolar individual për të siguruar fitoren 1-0 për Forest.

Si rezultat, skuadra e Ruben Amorim mbetet në vendin e 13-të në tabelën e Premier League, por mund të bjerë në vendin e 14-të nëse Tottenham Hotspur arrin të mposhtë Chelsean të enjten mbrëma.

Duke parë përpara drejt merkatos së verës, është raportuar se United është i interesuar të rikthejë David de Gea, i cili u largua nga Old Trafford në 2023.

Në atë kohë, trajneri i atëhershëm i “Djajve të Kuq”, Erik ten Hag, vendosi të nënshkruante me Andre Onana nga Inter Milan.

Megjithatë, Onana është kritikuar shpesh për disa gola të dyshimtë që ka pësuar.

Sipas mediave spanjolle Fichajes, United po “e konsideron seriozisht” rikthimin e De Geas.

“Kontrata e De Geas skadon në qershor, megjithëse klubi do të aktivizojë një klauzolë për ta zgjatur atë edhe për një vit. Gjithsesi, presioni publik dhe dëshira e United për të korrigjuar gabimin e tyre mund të hapin derën për negociata”, thuhet në raport.

Rikthimi i portierit në “Teatrin e Ëndrrave” nuk duket më aq i pamundur sa disa muaj më parë. Në Old Trafford e dinë që largimi i tij ishte një gabim dhe duan të rikuperojnë atë që s’duhej të kishin humbur kurrë.”

Legjenda e United, Dwight Yorke, më herët ka mbështetur idenë e rikthimit të De Geas.

“Mendoj se rikthimi i David de Geas do të ishte një lëvizje shumë e zgjuar. Nuk besoj se do të ndodhë, megjithatë, pasi kjo do të ishte një goditje për trajnerin që e largoi atë. Pyetja ime është: cili është qëllimi i të pasurit një portier të dytë në klub?”, tha ai.

Manchester United do të rikthehet në aksion në Premier League këtë fundjavë, kur të përballet me rivalët e Manchester City në Old Trafford të dielën pasdite.