Elite Youth Development Academy zhvillon ndeshje miqësore me U15 e Vllaznisë

Projekti i zhvillimit të futbollistëve të rinj në Shqipëri, “Elite Youth Development Academy”, vijon të provojë cilësitë e ekipeve U14 dhe U15 në përballje me akademi të ndryshme në vend.

Ndeshja e radhës u zhvillua mes ekipit U14 të akademisë Elite Youth dhe ekipit U15 të klubit Vllaznia.

Djemtë kuqezi u paraqitën mjaft mirë dhe arritën të mbyllnin ndeshjen me rezultatin 5-1.

Këto ndeshje i shërbejnë shumë stafit teknik të Elite Youth Academy për të vlerësuar progresin futbollistik të lojtarëve dhe për të përcaktuar objektiva të reja për stërvitjet e radhës.