Owen kritikoi sezonin e Liverpool-it

Si mund të gjykohet sezoni i Liverpool-it? Me shumë gjasa, “Reds” do të rikthehen te titulli i Premier League, i dyti në 35 vitet e fundit, por është gjithashtu e vërtetë që ecuria në kompeticionet e tjera, kombëtare dhe europiane, ka qenë mjaft zhgënjyese, me finalen e humbur të “FA Cup” ndaj Newcastle dhe eliminimin nga Champions League prej PSG-së në 1/8 finale.

Në lidhje me këtë, në median angleze është ndezur debate. Mes kritikave që kanë rënë mbi Arne Slot kanë qenë edhe ato të ish-sulmuesit Michael Owen, sipas të cilit titulli në Premier League nuk mjafton për ta quajtur sezonin e Liverpool-it të suksesshëm dhe se fundi është paksa i hidhur.

Reagimi i menjëhershëm erdhi nga trajneri holandez: “Michael ka luajtur për këtë ekip, apo jo? Atëherë ai është i vetëdijshëm për faktin se në 35 vite Liverpool-i ka fituar vetëm një kampionat… Pra, ja ku është përgjigjja.

Nëse arrin ta fitosh kampionatin me këtë klub, atëherë asgjë tjetër nuk ka rëndësi, do të thosha. Nëse e fiton 10 herë radhazi, atëherë mund ta kuptoj që njerëzit thonë: Ah, po fiton vetëm Premier League…

Nëse Manchester City fiton vetëm Premier League, atëherë mund të kuptoj që njerëzit thonë:

Nuk është një sezon i mirë për të. Por nëse, me këtë klub, mund të konkurrosh për titullin dhe, pa folur për ta fituar atë, atëherë është një pyetje e çuditshme sipas meje. Nëse edhe Virgil (Van Dijk) ka këtë mendim, atëherë jam plotësisht dakord me të”.