Vajzat e Bashkimit fituan edhe finalen e dytë

Në një atmosferë fantastike dhe dramën e zhvilluar në Pejë, KBF Bashkimi ka triumfuar ndaj Peja 03 në ndeshjen e dytë të finales së Superliga Femrat, me rezultat 82:86 (21:23, 20:21, 20:23, 21:19).

Në dramën e zhvilluar në “Karagaçi”, Bashkimi shënoi fitore në finalen e dytë. Ndeshja nisi dhe u zhvillua shumë e barabrtë për të dy skuadrat, ku çereku u mbyll 21:23, derisa edhe periudha e dytë ishte thuajse e barabartë 20:23. Skuadrat shkuan në pushimë me rezultat 41:46.

Drama e vërtetë u zhvillua në dy çerekët e fundit ku nuk mungoi rivaliteti për asnjë sekondë, ku herë njëra e herë tjetra skuadër kalonte në epërsi me Bashkimin që fitoi 82:86.

Më e dalluara te Peja 03 ishte Calveion Landrum me 15 pikë, 9 kërcime dhe 8 asistime, ndërsa për Bashkimin u veçua Brooque Williams me 26 pikë, 4 kërcime dhe 4 asistime.

Finalja e tretë zhvillohet këtë të marten në Prizren, në palestrën “Sezai Surroi”, nga ora 19:00.

Skuadra që arrin 3 fitore shpallet kampione e Superliga Femrat.