Ministri italian i Sportit dhe Rinisë: Kush është përfshirë në çështjen e basteve duhet larguar nga kombëtarja

“Fanella e kaltër duhet të jetë pasqyrimi i vlerave teknike, por edhe i vlerave morale.

Ajo fanellë nuk duhet të jetë vetëm për ata, të cilët janë gati të japin gjithçka për të fituar një ndeshje apo një kompeticion”.

Ministri italian i Sportit dhe Rinisë, Andrea Abodi, në një prononcim për “il Messaggero” ka hedhur idenë e largimit nga Kombëtarja katër herë kampione e botës e lojtarëve, të cilët janë të përfshirë në çështjen e basteve jo të ligjshme.

“Ky arsyetim duhet bërë mirë pasi nuk mjafton të mbyllësh jëtë histori vetëm duke pranuar gabimin. Këta djem duhet ta njohin jetën më mirë”, tha ministri.