Flick si Guardiola, gjermani ka numrat e spanjollit në 50 ndeshjet e para te Barcelona

Pavarësisht humbjes 1-3 të pësuar mbrëmë ndaj Borussia Dortmund, e cila ndoshta erdhi si pasojë e qetësisë së krijuar nga fitorja 4-0 në ndeshjen e parë, Barcelona konfirmoi rikthimin e saj madhështor në elitën e futbollit evropian, duke u kualifikuar në gjysmëfinalet e Ligës së Kampionëve për herë të parë pas shumë vitesh.

Në qendër të vëmendjes është tani Hansi Flick, i cili ka arritur një tjetër arritje domethënëse në karrierën e tij. Tekniku gjerman, kampion Evrope me Bayern Munich në vitin 2021 dhe kampion bote me Gjermaninë në 2014 si ndihmës i Joachim Löw, ka drejtuar Barcelonën në 50 ndeshje dhe bilanci i tij është më shumë se pozitiv:

37 fitore,
6 barazime,
7 humbje.

Ekipi i tij është në krye të La Ligas, në finale të Kupës së Mbretit dhe në katër më të mirat e Champions League.

Me këto statistika, Flick barazohet me emra si Pep Guardiola dhe Gerardo Martino, të cilët gjithashtu kishin fituar 37 nga 50 ndeshjet e para në stolin katalanas. Në krye të kësaj renditjeje mbetet Luis Enrique, tani trajner i PSG-së, i cili kishte fituar 42 nga 50 ndeshjet e para me Barcelonën.

Flick ka lënë pas trajnerë të tjerë si:

Frank Rijkaard (28 fitore),

Ronald Koeman (33 fitore),

Xavi Hernández (28 fitore).

Ndërkohë, Ernesto Valverde ka rekordin për më pak humbje në 50 ndeshjet e para: vetëm 3.