Gashijani, “Ylli i Javës” në Superligë

Elvir Gashijani është zgjedhur “Ylli i Javës” në Superligë.

Futbollisti i Llapit e shënoi një gol dhe asistoi në një tjetër në fitoren 3:1 ndaj Malishevës në xhiron e 30-të.

“Ishte një ndeshje e vështirë, por jemi përgatitur shumë mirë. Forma e lojtarëve ishte maksimale.

Grupi dhe atmosfera në ekip janë shumë të mira dhe besoj se do të triumfojmë edhe në ndeshjen e Kupës së Kosovës.

Jam shumë i lumtur që jam shpallur më i miri i javës dhe dua të falënderoj bashkëlojtarët për përkrahjen, familjen, klubin dhe dy njerëzit që janë gjithmonë afër meje – Afrim Ajetin dhe Adil Vokrrin”, tha ai për faqen zyrtare të FFK-së.