Arsenal sfidon Realin, gati të ofrojë 60 milionë euro për yllin e La Liga-s

Arsenali po i jep përparësi një marrëveshjeje për mesfushorin e Real Sociedad-it, Martin Zubimendi.

Të dy, trajneri i “Topçinjve”, Mikel Arteta, dhe drejtori i ri i futbollit, Andrea Berta, janë të bashkuar në qëllimin e tyre për ta marrë Zubimendin në Londër.

Të dy janë dakord që ndjekja e Zubimendit duhet të bëhet përparësi, sipas ESPN.

Megjithatë, çdo marrëveshje do të përballet me konkurrencën e Real Madrid-it, i cili e sheh lojtarin spanjoll si një zëvendësim të mundshëm për Luka Modricin.

Arsenali është i përgatitur të paguajë deri në 60 milionë euro për të siguruar Zubimendin në mekraton e verës.