Mbappe “mace e zezë” për Barçën

Madridi luan kundër Barcelonës të dielën. Të gjitha ose asgjë. Vetëm fitorja llogaritet.

Një barazim do të ofronte lehtësim matematikor, por jo lehtësim realist.

Fitorja është e panegociueshme dhe si tifozët e Realit, ashtu edhe ata të Barcelonës e dinë këtë.

Kjo është arsyeja pse Ançeloti i ka stërvitur luftëtarët e tij këto ditë në Valdebebas për të përfituar nga kjo mundësi unike. Efekti i Interit ka qenë i pranishëm këtë javë në mesin e skuadrës kampione në fuqi të ligës, të cilët e kuptojnë se e diela mund të ndryshojë gjithçka. Për mirë…

Dhe në këtë ambicie të Madridit për të tentuar parakalimin (do të mjaftonte të fitonte të dielën në “Montjuiç” dhe të shpresonte për një barazim për Barçën kundër Espanjolit, Vijarrealit dhe Bilbaos), shfaqet imazhi i yllit të vërtetë të ekipit, autori i 36 golave, lojtari që shpreson të shpengojë veten në një ditë të së vërtetës, Kilië Mbape.

Kjo është arsyeja pse Florentino e solli atë, pavarësisht një fraksioni të Realit të Madridit që e pa nënshkrimin e tij me skepticizëm. Por shifrat e Mbapesë me Barçën e mbështesin atë. Deri në atë pikë sa ta konsideronin parizienin një përbindësh për katalanasit. Ai ka luajtur kundër tyre shtatë herë: katër me PSG-në dhe tre me “Los Blancos”. Në ato shtatë ndeshje kundër katalanasve, ai ka shënuar jo më pak se tetë gola. Domethënë, më shumë se një gol për ndeshje.

Dhe gjëja më e mirë është se nga ata tetë, pesë ishin në Barcelonë (me 2.5 për ndeshje). Ai e arriti këtë me një tregolësh madhështor kundër Barçës, me Mesin, Busketsin, Pikenë dhe Luis Suarezin, me stadiumin gjigant të Barcelonës të mahnitur nga shfaqja e parizienit.

Dhe vitin e kaluar, në çerekfinalet e Ligës së Kampionëve, pavarësisht se skuadra e Ksavit fitoi 3-2 në Paris, Mbape shpërtheu me dy gola në ndeshjen e kthimit në “Montjuiç”, duke kompletuar eliminimin e Barçës në të njëjtin vend ku do të luajë këtë të diel me fanellën e bardhë, duke filluar nga ora 16:15. Mbapp është bërë për të luajtur kundër Barcelonës dhe Reali shpreson ta vërtetojë edhe sot.