Messi u përfshi në një debat të ashpër me gjyqtarin pas ndeshjes dhe stafi i trajnerëve e ndaloi atë

Lionel Messi pati një nga momentet më të trishtuara të karrierës së tij pasi Inter Miami barazoi 3-3 me San Jose Earthquakes në kuadër të Major League Soccer.

Inter Miami luajti jashtë fushe të mërkurën në mbrëmje, duke lëshuar mundësinë për tri pikë.

Ekipi nga Florida e gjen veten në vendin e pestë në tabelë pasi humbën pikë të tjera pas një humbjeje 4-1 ndaj Minnesota në fundjavë.

Frustrimet filluan për kapitenin i ekipit, Messi, i cili po ziente pas vërshëllimës së fundit dhe u përball me gjyqtarin Joe Dickerson.

Fituesi i tetëfishtë i Topit të Artë dukej i tërbuar me vendimin e gjyqtarit për të mos i dhënë një goditje dënimi jashtë zonës dhe i tregoi atij se çfarë mendonte për këtë pas ndeshjes.

Gjyqtari nuk po i pranonte asnjë nga protestat e tij dhe menjëherë i tregoi kartonin e verdhë.

Por legjenda e Barcelonës nuk ishte ende i lumtur dhe u kthye te gjyqtari për të protestuar më tej.

Messi i nervozuar rrezikoi të merrte një karton të kuq pothuajse të paprecedentë, me Dickerson që i tha: “A do që të të përjashtoj? Largohu!”.

Por ai u desh të ndalohej nga anëtarët e stafit të trajnerëve të San Jose Earthquakes, me trajnerin e Earthquakes, Bruce Arena, i cili mori vendimin për të ndërhyrë në një përpjekje për të ndaluar përjashtimin e Messit.