Fitore e madhe për Aston Villën

Aston Villa ka arkëtuar tri pikë tejet të rëndësishme në garën për të siguruar një vend që dërgon në Ligën e Kampionëve për sezonin e ardhshëm.

Aston Villa mundi Tottenhamin, me rezultat 2:0, të enjten në kuadër të elitës së futbollit anglez.

Ezri Konsa e realizoi golin e parë në minutën e 59-të.

Boubacar Kamara shënoi për 2:0 në minutën e 73-të.

Me këtë fitore, Aston Villa, ka 66 pikë dhe është në zonën “Champions”.

Për Villan kjo ishte fitorja e tretë rresht në ligë.

Ndërkohë për Tottenhamin ishte disfata e dytë rresht.

Tottenhami ka 38 pikë dhe e zë vendin e 17-të.