Mbi 50 mijë vizitorë eksplorojnë pavijonin bullgar në Osaka

Më shumë se 50 mijë njerëz kanë vizituar pavijonin bullgar në World EXPO 2025 në Osaka, pak më shumë se një muaj nga hapja e tij zyrtare më 13 prill.

Statistikat u ndanë me agjencinë e lajmeve bullgare BTA nga Agjencia Ekzekutive për Promovimin e Ndërmarrjeve të Vogla dhe të Mesme. Pavijoni funksionon me kapacitet të plotë, duke mirëpritur mesatarisht 1500 vizitorë çdo ditë.

Në prag të Ditës së Bullgarisë në EXPO 2025, e cila do të shënohet më 18 maj, para pavijonit janë krijuar sërish radhët e vizitorëve.

Prova e fundit për programin kulturor dhe muzikor të së dielës u shndërrua në një atraksion të vërtetë për vizitorët japonezë dhe të ftuarit ndërkombëtarë, me shfaqje të drejtpërdrejta nga muzikantë bullgarë, transmeton KosovaPress.

Në ceremoninë e festës kombëtare do të marrë pjesë edhe presidenti Rumen Radev, i cili ndodhet për vizitë zyrtare në Japoni.

Sipas Ambasadës Bullgare në Tokio, programi zyrtar do të fillojë në orën 11:00 me orën lokale në Sallën e Ditës Kombëtare Expo.

Do të vijojë një program i pasur kulturor, me kërcimtarë nga Ansambli Folklorik "Trakia" që interpretojnë valle tradicionale, prezantime multimediale të këngëve sllave kishtare, shfaqje operash në bullgarisht dhe japonisht nga Maria Slavova dhe akte muzikore nga Kalin Velyov, Viktor Nikolaev, Vëllezërit Vladigerov dhe këngëtarja Nina Nikolina.

Gjatë Ditës së Bullgarisë në EXPO 2025 do të prezantohet numri i prillit i revistës LIK të BTA me temën "Bullgaria dhe Ekspozitat Botërore".

Prezantimi do të drejtohet nga drejtori i përgjithshëm i BTA Kiril Valçev dhe do të marrin pjesë studentë të universitetit japonez që studiojnë gjuhën bullgare.

EXPO 2025 përfshin pjesëmarrje nga 165 vende dhe rajone, së bashku me nëntë organizata ndërkombëtare, secila duke shfaqur kulturat, idetë dhe risitë e tyre në afërsisht 180 pavionë . Tema qendrore e këtij edicioni është "Dizajnimi i shoqërisë së së ardhmes për jetët tona", me ekspozita interaktive, demonstrime të teknologjive të fundit si inteligjencës artificiale dhe robotikë, dhe prezantime të zgjidhjeve të qëndrueshme dhe inovative në arkitekturë, energji dhe kujdes shëndetësor, duke përfshirë ekspozita të qyteteve inteligjente.

Forumi u hap në prill dhe do të vazhdojë deri në tetor, me një pjesëmarrje të vlerësuar prej afro 30 milionë njerëz.