Portugalia U-15 iton në finale ndaj Kroacisë

Portugalia U15 ka fituar turneun e përvitshëm “Vlatko Marković”, pasi mundi në finale Kroacinë me shifrat 3:2.

Protagonisti i ndeshjes ishte Cristiano Junior, i cili shënoi dy gola dhe u zgjodh si “Lojtari i Ndeshjes”.

Cristiano Junior është vetëm 14 vjeç dhe vetëm pak ditë më parë u thirr për herë të parë nga Portugalia U15, ku debutoi dhe sot shënoi dy gola.

Sigurisht që nuk mungoi festa njësoj siç feston i ati i tij, Cristiano Ronaldo.

Edhe pse është ende një fëmijë, Cristiano Junior konsiderohet si një talent me të ardhme dhe jo më kot e ndjekin shumë ekipe të njohura.

Aktualisht ai është pjesë e ekipit të të rinjve të Al Nassr, por sipas asaj që raportoi “The Sun” pak ditë më parë, janë të paktën mbi 15 ekipe që po e ndjekin atë nga afër dhe kërkojnë transferimin e tij.