Dy probleme e para që Tare duhet t’i zgjidh te Milani

Igli Tare do të nënshkruajë kontratën e tij me Milanin javën e ardhshme, dhe “Gazzetta” thekson se dy çështjet e para që do të zgjidhen do të lidhen me Mike Maignan dhe Theo Hernandez.

Tare do të marrë drejtimin e Milanit, duke nënshkruar një kontratë tre-vjeçare të hënën. “GDS” parashikon se dy çështjet e para që Tare duhet të zgjidhë janë Maignan dhe Theo.

Kontrata e mbrojtësit francez skadon në qershor të vitit 2026, por të dyja palët nuk janë as afër arritjes së një marrëveshjeje pasi klubi nuk është i gatshëm të ofrojë një rritje page.

Sipas raportit, Milani pritet t’ua ofrojë Theon klubeve të tjera, me agjentin e tij që është gjithashtu i përfshirë në prezantimin e klientit të tij me pretendentë të mundshëm.

“Gazzetta” pretendon se Tare e sheh Destiny Udogie të Tottenhamit si një zëvendësim të mundshëm për Theon nëse francezi largohet këtë verë.

Sa i përket Maignan, Milani tashmë i ka ofruar një zgjatje të kontratës me një rritje të lehtë të pagës, por rrethi i francezit ende nuk i është përgjigjur klubit.

Milani nuk do të luajë në asnjë garë evropiane sezonin e ardhshëm dhe do të presë Monzën në ndeshjen e fundit të shtunën në një mjedis toksik.