Erdogan pret në Stamboll presidentin sirian Ahmed al-Sharaa

Presidenti turk, Recep Tayyip Erdogan u takua sot në Stamboll me presidentin sirian Ahmed al-Sharaa. Takimi, i cili ishte i panjoftuar, u zhvillua në zyrat e presidencës turke në Pallatin Dolmabahçe.

Nga pala turke në takim morën pjesë edhe Ministri i Jashtëm Hakan Fidan, Ministri i Mbrojtjes Yasar Guler, Shefi i Inteligjencës MIT Ibrahim Kalin dhe Drejtori i Drejtorisë së Industrisë së Mbrojtjes Haluk Gorgun.

Nga pala siriane ishin të pranishëm Ministri i Jashtëm sirian Assad Hassan Sheibani dhe zyrtarë të tjerë.

Takimi midis dy udhëheqësve u zhvillua pas heqjes së sanksioneve të SHBA-së kundër Sirisë, me presidentin turk që luajti një rol të rëndësishëm pasi ishte i pranishëm në telefon në takimin në Arabinë Saudite ku u thye akulli midis Al-Sarrah dhe Donald Trump.