Edhe City futet në garë për Ardon Jasharin

Ardon Jashari mund të jetë përforcimi i radhës për Manchester City në merkaton e verës.

Mesfushori shqiptar me pasaportë zviceran luan për Club Brugge, është futur në listën e objektivave të klubit anglez.

“Qytetarët” kanë zhvilluar tashmë kontakte paraprake në lidhje me një transferim të mundshëm.

Jashari ka kontratë me Club Brugge deri në vitin 2029, ndërsa klubi belg pritet të kërkojë mbi 35 milionë euro për kartonin e tij.

Për mesfushorin 22-vjeçar nuk mungon konkurrenca, pasi interesim kanë shfaqur gjithashtu Borussia Dortmund, Bayer Leverkusen, si dhe klubet si Roma, Juventus dhe Paris Saint-Germain.

Në sezonin e fundit, Jashari luajti 52 ndeshje në të gjitha garat, duke shënuar 4 gola dhe dhënë 6 asiste, një paraqitje e qëndrueshme që ka rritur interesin për të.

Me cilësitë e tij në mesfushë dhe moshën e re, ai shihet si një investim premtues për të ardhmen nga disa prej klubeve më të mëdha në Evropë.