Pioli drejt kthimit në Serie A

Nëntë vjet më vonë, Atalanta e gjen veten në një udhëkryq vendimtar: zgjedhjen e një trajneri të ri.

Xhian Piero Gasperinit i përfundon kontrata më 30 qershor 2025 dhe duket se nuk do të rinovojë. Kështu klubi i Bergamos duhet të marrë kohën e nevojshme për të vlerësuar me kujdes profilin më të përshtatshëm për ta udhëhequr në të ardhmen. 

Një emër duket se ka fituar terren në orët e fundit është ai i Stefano Piolit, raporton sot “Gazzetta dello Sport”.

Profili i ish-trajnerit të Milanit po fiton gjithnjë e më shumë vlerësim te Atalanta për disa arsye. Pioli duket se është përpara kandidatëve të tjerë në listën e pronarëve, falë CV-së së tij shumë të respektueshme.

Megjithatë, nëse kjo hipotezë do të materializohej, Atalanta do të duhet të merret me situatën kontraktuale të trajnerit, aktualisht i lidhur me Al-Nasr deri më 30 qershor 2027. Kontaktet dhe negociatat do të jenë të nevojshme për të kuptuar mundësinë e kthimit të tij në Itali dhe zgjidhjen e mundshme të angazhimit të tij ndaj klubit saudit.

Pavarësisht kësaj pengese, emri i Stefano Piolit duket se është në krye të listës së dëshirave të Atalantës për të hapur një kapitull të ri pas epokës së gjatë dhe të lavdishme të Gasperinit.