Arsim Abazi tejkaloi pritshmëritë në kampionat, vazhdon me Ferizajn

Ferizaj e mbylli kampionati në vend të pestë me 50 pikë dhe për një fije të flokut mbetet jashtë garave evropiane.

Klubi i futbollit Ferizaj i ka vazhduar kontratën Arsim Abazit i cili i ka tejkaluar pritshmëritë në edicionin që e lamë pas.

“FC Ferizaj njofton se trajneri Arsim Abazi do të vazhdojë të qëndrojë në krye të shtabit teknik edhe për sezonin garues 2025/26.

Pas një pune të përbashkët dhe një përvoje pozitive gjatë sezonit të kaluar, klubi dhe trajneri Abazi kanë arritur marrëveshje për vazhdimin e bashkëpunimit. 

Vlerësojmë lart përkushtimin, profesionalizmin dhe qasjen serioze që ai ka sjellë në drejtimin e ekipit tonë.

Me këtë vazhdimësi, synojmë të ruajmë stabilitetin dhe të ndërtojmë mbi bazat e vendosura, duke punuar për një sezon të suksesshëm në fushë dhe jashtë saj.

FC Ferizaj do të vazhdojë me përgatitjet për sezonin e ri, dhe së shpejti do të njoftojmë për zhvillimet e tjera në kuadër të ekipit.
Përpara, së bashku!”, njofton FC Ferizaj.