Nderim Nexhipi kthehet në klubin ku shijoi suksesin më të madh si drejtues
- Bota Sot
Nderim Nexhipi i ka dhënë lamtumirën pak ditë më parë skuadrës së Shkupit, por nuk ka vonuar që të gjejë shpejt një skuadër të re për të vazhduar karrierën e tij tashmë si drejtues sportiv.
Në fakt, ish-futbollisti i njohur është kthyer në një klub që njeh shumë mirë e ka përjetuar suksese të mëdha.
Ai është prezantuar sot përsëri në rolin e drejtorit sportiv te klubi i Ballkanit, ku ishte pjesë e nisjes së një rrugëtimi fantastik disa vite më parë, që kulmoi me titujt kampion dhe pjesëmarrjet radhazi në fazën në grupet e Ligës së Konferencës.
"Kemi kënaqësinë që para jush ta prezantojmë njërin prej atyre që kontribuoi fort në fillimin e vazhdimin e sukseseve tona historike.
Ai gjithmonë ka qenë dhe mbetet njëri prej nesh, por tani rikthehet përsëri në fole për ta rimarrë pozicionin e drejtorit sportiv në klub dhe për të shkruar etapa të reja së bashku.
Mirë se rikthehesh Nderim Nexhipi
Na priftë e mbara, kampion!", njofton klubi i Ballkanit.
