Crystal Palace kërkon takim me UEFA-n

Ekipi i Crystal Palaces, pas një sezoni fantastik të bërë ku e mbylli me suksesin përballë Sitit në finalen e Wembley-t ku në lojë ishte FA Cup, tani rrezikon pjesëmarrjen në Ligën e Europës.

Ekipi në fjalë është në pronësi të katër personave, të cilët janë Xhon Tekstor, Stiv Perish, Xhosh Herris dhe Dejvid Blitzer. Perish do të takohet me UEFA-n pasi kjo e fundit u ka bërë të qartë ekipeve pjesëmarrëse në kompeticionet e saj që nuk duhet që të kenë më shumë se një pronarë.

Në rastin e Crystal Palaces përveç faktit se zotërohet prej katër personash, njëri prej tyre zotëron aksione edhe në një skuadër tjetër.

Bëhet fjalë për Tekstor, i cili përç aksioneve që ka te ekipi anglez është president edhe i Lionit, një tjetër skuadër që ka siguruar pjesëmarrjen në Europa League vitin që vjen.