E paprecedentë në Bundesligë, babai i Bellingham i shkon për sqarim trajnerit

Një situatë e paprecedentë është regjistruar dje, ndërsa Borusia Dortmund barazoi 3 me 3 në transfertën e St. Paulit. Protagonistë u bënë babai i Xhud Bellingham, Mark, dhe trajneri i Dortmundit, Niko Kovac.

Tekniku i Dortmundit vendosi ta zëvendësojë Xhud Bellingham pas 45 minutash lojë. Dhe i ati i mesfushorit nuk ishte aspak i lumtur me këtë vendim.

Këtë e shprehu menjëherë duke zbritur në dhomat e zhveshjes. Një sqarim, i cili sigurisht që ka lënë pakënaqësi te Dortmundi dhe pse Bellingham përfaqësohet nga i ati.

E sigurtë do të jetë, që në të ardhmen asnjë prind nuk do mund t’i afrohet dhomave të zhveshjes. Dhe vetë Dortmundi do të kujdeset për këtë fakt.