Ky është punëtori që humbi jetën tragjikisht në fabrikë në Suharekë

Një incident tragjik ndodhi të premten pasdite në një fabrikë në Suharekë, ku një punëtor ka ndërruar jetë gjatë orarit të punës, ka raportuar Gazeta e Prizrenit

Lajmi është konfirmuar nga zëdhënësi i Policisë për Rajonin e Prizrenit, Shaqir Bytyqi, i cili bëri të ditur se viktima ka pësuar lëndime të rënda aksidentale. Sipas informatave fillestare, dyshohet se ai është goditur nga një pjesë metalike e një vinçi industrial.

Viktima është identifikuar si Milit Daka, rreth 50 vjeç, punëtor në fabrikën “NewBalkan” në Suharekë.

Organet kompetente kanë nisur hetimet për të sqaruar tërësisht rrethanat e këtij rasti.

Familjarë, të afërm dhe bashkëpunëtorë e kanë përkujtuar me dhimbje të ndjerin, ndërsa rrjetet sociale janë mbushur me mesazhe ngushëllimi për humbjen e tij.

Lexo edhe:

https://gazetaeprizrenit.net/ne-suhareke-punetori-goditet-nga-vinci-dhe-nderron-jete/