Ilievski paralajmëron Ferizajn

Ballafaqimi mes Ferizajt dhe Prishtinës do të luhet sot në orën 15.00 në stadiumin prapa palestrës “Bill Clinton” në Ferizaj.

Prishtina kërkon tre pikë që të ruajë kreun e tabelës.

Nga ana tjetër, Ferizaj pas katër humbjeve synon të ndërpresë serinë e keqe dhe t’i kthehet fitoreve. 

Sulmuesi i Prishtinës, Mario Ilievski flet para sfidës ndaj Ferizajt. 

"Pritshmëritë tona, si gjithmonë, janë për fitore ashtu si në çdo ndeshje tjetër.

Atmosfera në ekip është shumë e mirë dhe harmonia jonë reflektohet qartë edhe gjatë stërvitjeve.

Nëse sotr luftojmë si në dy ndeshjet e fundit, atëherë fitorja nuk do të vihet në diskutim. Shpresojmë ta vazhdojmë këtë ecuri pozitive", tha Ilievski.